တၠပညာမန်
နာဲတၠမန်ဝွံ ဒှ်ညးအုပ်ကာ ဗော်ဍုၚ်မန်တၟိမွဲ သၟးဟွံက သီုဒှ်တၠပညာမွဲရ၊ ညးလေပ်လိက်မန် လိက်ဗၟာခိုဟ်ဟ်တုဲ ပ္ဍဲအရာလေပ်လိက်မန်ဂှ် ပြာကတ်နူညးသ္အာၚ် ဟီုစဂွံရ။ နူသၞာံ ၁၉၇၁ စဵုကဵုညးမစုတိအာဂှ် ညးကေတ်လဝ်တာလျိုၚ် ညးအုပ်ကာနာနာ ဗော်ဍုၚ်မန်တၟိ လ္ပာ်ဥက္ကဌ နာဲနလ္လာ မက္ဍိုက်က္ဍိုပ်ဂှ်ရ၊ အခိၚ်မနွံပ္ဍဲဗော်ဂှ် ဟိုတ်ညးဒှ်တၠပညာဂတာပ်ခေတ်မွဲ အရီုစိုတ်ထတ်မြဟ်တဴ ပ္ဍဲအရာသၠုၚ်ပ္တိုန် ပရေၚ်ပညာဗော်ဍုၚ်မန်တၟိရ၊ ညးဝွံဟိုတ်နူခံၚ်လ္ပာ်လိက်ပတ် ပရေၚ်ပညာတုဲ အခိၚ်ဒးကေတ်ဒၟံၚ်တာလျိုၚ် ညးအုပ်ကာနာနာဗဟဵုဂှ် သီုတောဲကေတ်တာလျိုၚ် လျိုၚ်ဌာနဗဟဵုရ၊ အခိၚ်မစိုပ်ကၠုၚ်ဗော်ဂှ် ဟိုတ်မကေၚ်စိုပ်အာကာမ်ပူချာတုဲ သီုလေပ်လိက်ကာမ်ပူချာကီုရ၊ ဟိုတ်အရီုထတ်ကဵုပရေၚ်ပညာတုဲ အခိၚ်ညးမကေတ်ဒၟံၚ်တာလျိုၚ် လျိုၚ်ဌာနပညာဂှ် လိက်ဗွဟ်မန် ညံၚ်ဂွံမံက်ဂတဝ်ကၠုၚ်မာန်၊ တန်ဗ္တောန်ပ္ကတ်ပ္ကေၚ်ကွတ်အ္စာဘာ ညံၚ်ဂွံမံက်တိတ်မာန် ညးဂ္စာန်ကၠုၚ်ရ၊ ဟိုတ်သာ်ဝွံတုဲ ပ္ဍဲလက်ထက်ညးမကေတ်တာလျိုၚ် လ္ပာ်ပရေၚ်ပညာဂှ်ဟေၚ် လိက်ဗွဟ်မန်ကေုာံ တန်ဗ္တောန်ကွတ်အ္စာဘာတအ် မံက်တိတ်ကၠုၚ်ရောၚ် ဟီုမာန်ရ။
ပ္ဍဲညး ဟိုတ်စွံအရီုကဵုပရေၚ်ပညာတုဲ ကောန်ပၞာန်အယုက်ဟွံပေၚ်ဏီတအ်ဂှ် ညးကဵုကတ်ကလ္ၚတ်လိက်ပတ် ပညာကၠာတုဲမ္ဂးဟေၚ် ကဵုတိုန်ဘာပၞာန်ရ၊ ဒတူအလိုၚ်ပိုတ်သကုတ် သၠးကၠေံဂုဏ်ဖဵု မၚ်မွဲစေဝ်ပၞောန်ခိုဟ်တဴ ဗွဲမလောန်ရ၊
ညးဝွံဓဝိၚ်ဇၞော်ကဵု ပရေၚ်ကမေလာန်ဗွဲမလောန်တုဲ အခိၚ်ညးယဲက္ဍၚ်ဒၟံၚ် ပ္ဍဲရုၚ်ဂဥုဲဆၚ်လောအ်ဂှ် ဟွံစွံအဓိကကဵု ပရေၚ်ဝေဒနာ မဂိကတာန် ပ္ဍဲခန္ဓမွဲသာ် ၜိုတ်ညးဟီုပ္တိတ်မာန်ဂှ် “ပေဲါကောံဓရီုပ္ဍဲဗော်စဣရဟာ…? ပရိုၚ်တၟေၚ်တၟဟ် နူနေဝ်တေံ မုနွံကီုရော…? ပရေၚ်ချဳဓရာၚ်ပ္ဍဲဗော် မူပြံၚ်လှာဲမုနွံကီုရော..? မြဴသာ်ဝွံဒှ်တမ် နကဵုစိုတ်ဓဝိၚ် မဂွိၚ်လ္တူကောန်ဂကူဂှ် ကေၚ်သၟာန်ကၠုၚ် မၞိဟ်မရံၚ်ယဲညး နွံရ။
"(ညးမပြဲ ဗီုနာဲတၠမန်ဝွံ ကောန်ဂကူတံ ထေက်ကဵုဒးလ္ၚတ်ကေတ်နဲကဲ လတူညးထေက် ကွေဟ်ဟ်ဂှ်ရ ဗွဲကြဴ ပရူညးညံၚ်ပိုဲဂွံချူပေၚ်ၚ်မာန်ဂှ် ဒးလ္ၚတ်ချူထေက်ရောၚ် စှ်ေစိုတ်ရ)
ကူချာဲနၚ်နူ
က္ဍိုပ်သ္ကိုပ်မတဝ်စၞေဟ်ကၠုၚ် သွက်ဗၠးၜးကောန်ဂကူမန်ဂမၠိုၚ် ကၞပ်(၁) ၂၀၀၇
ဗီုရုပ်
ခြပ်(crop)ကေတ်လဝ် နူကဵု video clip ဝၚ်ကယျိုၚ်မန် နာဲမိုၚ်တဝ်မလဴထ္ၜးလဝ်ဂှ်ရ။
1 comments:
ကၠောန်ဗဒှ်ဗီုဏံမာန်ဂှ် မိပ်စိုတ်ကွေံရ
Post a Comment
ဗှ်တုဲချူစွံလဝ်မွဲမွဲသာ်ဏး