Nai Sac Lun (နာဲသက်လောန်)

 

နာဲသက်လောန်ဝွံ မဒှ်ဇာတိ ကွာန်လၟိုၚ် (လၟုဟ်ကော်ဍုၚ်လၟိုၚ်) ပွိုၚ်ရေဝ်သၟဝ်ကျာ တွဵုရးဍုၚ်မန်ရောၚ်၊၊     ပ္ဍဲသက္ကရာဇ် ၁၉၈၈ ဂှ် ပ္ဍဲကၟိန်ဍုၚ်ဗၟာ ကွးဘာတံသ္ပက္ဍိုပ်တုဲ ချဳဓရာၚ် ထ္ၜးဆန္ဒ ပရေၚ်ဒဳမဝ်ကရေဇြဳ အလုံမွဲကၟိဍုၚ်ဗၟာ က္တဵုဒှ်ကလိုက်ကၟဵုရ၊ အခိၚ်ဂှ်ညးတိုန်ဂှ်ဘာ ပ္ဍဲဍုၚ်မတ်မလီု ဂွံပွိုၚ်ပိသၞာံရ၊ သီုကဵုဘာဟွံတုဲ ပၞာန်တံသီထောံအဝဵုကၟိန်ဍုၚ်တုဲ နူကဵုတိုန်မံၚ်ဘာ ပ္ဍဲကဵုတက္ကသဵုဍုၚ်မတ်မလီုဂှ် ညးလေဝ်ဒးဒဴလုပ်ဂြိုပ် အာစိုပ်ဗော်ဍုၚ်မန်တၟိကီုရ၊ ပ္ဍဲကဵုအခိၚ်ညးတိုန်မံၚ်ဘာဍုၚ်မတ်မလီုဂှ် ညးလ္ၚတ်မံၚ်ဘာသာရူပဗေဒရ၊
   မံၚ်ဂွံပ္ဍဲဗော်ဍုၚ်မန်တၟိဂှ် (၅) သၞာံ ပ္ဍဲသက္ကရာၚ် (၁၉၉၃)ဂှ် တိတ်နူဗော်ဍုၚ်မန်တၟိတုဲ ဆက်ကၠောန်မံၚ် ပ္ဍဲကဵုဂကောံအခေါၚ်အရာမၞိဟ် သွာၚ်ပ္တိတ်ပရိုၚ် ဗီုတၠအဝဵုပၞာန်တံ ဖံက်ပ္ကဝ်မံၚ်အခေါၚ်အရာမၞိဟ်တံဂှ် ညးချူပ္တိတ်မံၚ်ပရိုၚ် ဗီုအၚ်္ဂလိက်ရ၊ ပ္ဍဲကဵုကမၠောန်ပ္တိတ်မံၚ်ပရိုၚ် နကဵုဘာသာအေၚ်္ဂလိက်ဂှ် ညးဆက်ကၠောန်အာမံၚ် တပှ်ဒ္စံါသၞာံရ၊ ဗွဲကြဴဏံ ညးက္တဵုဒှ်ယဲကီု မံၚ်တန်တဴပ္ဍဲကဵုပယျဵုသေံဟွံလောဲသွာကီုတုဲ ညးတိတ်စိုပ်ကၟိန်ဍုၚ်အမေရိကာန်ရ၊၊
      ပ္ဍဲကဵုသၞာံ (၂၀၁၂) ညးပ္တိတ်လဝ်လိက် သုတေသန ကၞပ်(၁) ၊ အပ္ဍဲကဵုလိက်ကၞပ်ဏံဂှ် လၟိဟ်မုက်လိက် (၅၀၀)ပြၚ် လၟိဟ်ဝေါဟာရမန်တြေံ နွံၜိုတ်(၁၀၀)ပြၚ်၊ လိက်ကၞပ်ဏံဂှ် ဂွံတြးဗစိုပ်ကေၜန်ဂကူပိုဲ ပိပန်စှော်အုပ်ပြၚ်ဓဝ်ရ၊ ဆ္ဂးလိက်အုပ်ဏံဂှ် ညးပတိုန်စွံလဝ်လ္တူဝေပ်သိုက်( mlpo.org)နွံရောၚ်၊ ကုညးနွံပၟိက်တံ အခိၚ်ဟွံရုဲလုပ်ပံက်ဗှ်ကေတ်မာန်ရ။

 

There were three Books compiled by Nai Sac Lun and had been distributed in MonLand 1️⃣ Research On Mon Literature 2️⃣ English Grammar (explained in Mon )  3️⃣ A Mon-Burmese Dictionary All of those books were written by Nai Sac Lun and The books distribution were  contributed by all Mon people around the world and by his own copyright. and also allowed for free reading on mlpo.org website. and I have already got a permission from him to release those books with application on all app stores.    လိက်နာဲသက်လောန်မချူလဝ် တၟိတၟိတြေံတြေံဂမၠိုင် ယဝ်ရကလိဂွံအခေါင်နူကဵုညးမ္ဂး ထပ်ဗပေင်စုတ်အပ္ဍဲကဵု (App)ဏံပၠန်ဏောင်၊၊    လိက်ဏံဂှ် ဟိုတ်နူဒှ်မံင်လိက်ဇၞော်ဇၞော်တုဲ ဗှ်ကဵုတဝ်စက်ဖုင်မ္ဂး ဒးသုင်စောဲလပုဟ်တဲဂၠိုင်၊ ဒးသုင်စောဲ(zoom)ဂၠိုင်ကီုရ၊ လိက်ကၞပ်နာဲသက်လောန်ပ္တိတ်လဝ်ဂမၠိုင်ဝွံ သွက်ခမ်ပျူတာအေပ်ဗဴတံင်ကေတ်မာန်ရ ၊၊ ဗီုဂွံအေန်သတဝ်ပံက်ဗဵု ဗဳဒိယောဏံညိ။

ရန်တၟံကဵု ကောန်ဂကူပိုဲမန်တံ ဂွံလ္ၚတ်ဘာသာအေၚ်္ဂလိက်လောဲသွာတုဲ လိက်ကၞပ်မရနုက်ကဵု(၂)ဂှ် ပ္ဍဲကဵုသၞာံ (၂၀၁၃) ဂှ် သဒ္ဒါအေၚ်္ဂလိက် သောၚ်ကလးလဝ်နကဵုဘာသာမန် မၞုံသတီုမုက်လိက် (၄၀၀)ပြၚ်ဂှ် ညးပ္တိတ်လဝ်ကီုရ၊ လိက်အုပ်ဏံဂှ် ဗွဲမပြာကတ် စဵုကဵုအခိၚ်တ္ၚဲဏံ ကောန်ဂကူပိုဲတံ ကုညးမကတ်လ္ၚတ်လိက်အေၚ်္ဂလိက်တံ ဂွံဒုၚ်ကေတ်အထံက်အပၚ် ရှ်သာကၞေဟ်ညးရ၊ လိက်အုပ်ဏံလေဝ် လ္တူဝေပ်သိုက် ( mlpo.org) တေံ ပံက်ဗှ်ကေတ်မာန်ကီုရ။
 ပ္ဍဲကဵုသၞာံ (၂၀၁၉)ဏံ ဂှ် လိက်ကၞပ်(၃) အဘိဓါန်မန်ဗၟာ မၞုံလၟိဟ်မုက်လိက် (၁၅၀၀)ပြၚ်၊ ဝေါဟာရဂှ် (၁၅၀၀၀) နွံမွဲလက်ဘိုက်ပြၚ် ၊ ပ္ဍဲကဵုဝေါဟာရမွဲမဂှ် အဓိပ္ပါယ်မွဲသာ်လေဝ်နွံ ဂၠိုၚ်နူကဵုမွဲသာ်လေဝ်နွံ စဵုကဵုမသုန်သာ်လေဝ်နွံ ဆ္ဂးဂှ် အပ္ဍဲကဵုဝေါဟာရမွဲဂှ် အဓိပ္ပါယ်ဂလိုၚ်လဵုတိတ်တ် ရိုဟ်စလဝ်ဝေါဟာရမွဲမဓဝ်ရ၊ ယဝ်ရတော်ကဵုလၟိဟ် သီုအဓိပ္ပါယ်တှ်ေ နွံဗၞတ်ကြပ်ကဵု(၂၅၀၀၀)ၜါလက်ဘိုက်မာန်ရောၚ် ညးဟီုလဝ်ရ၊ လိက်ကၞပ်ဏံဂှ် နူကဵုသၞာံ (၂၀၀၅)တေံ စချူကၠုၚ်မံၚ်သိုက်က် စဵုကဵုသၞာံလိက်ဏံတိတ် (၂၀၁၉)ဏံရ၊ လအ်ဗၞတ်(၁၄) သၞာံ ညးဂိုတ်ဂ္စာန်ချူကၠုၚ်ရ၊ ပ္ဍဲကဵု သ္ပအဓိကကဵု ဝေါဟာရမန်တြေံ မကၠေံဗ္ဒန်မံၚ်တံဂှ် ဂွံကလေၚ်မံက်ဂတဝ်တိုန်ပၠန်တုဲ ညးချူပကောံလဝ်ရ၊ ဝေါဟာရ ဂတာပ်ခေတ် ဝေါဟာရတၟိတၟိလေဝ် ပါမံၚ်ဗၞတ်ညိညကီုရ။
      လိက်ကၞပ်မရနုက်ကဵု (၃)ဏံ ဂွံမံက်ဂတဝ်တိတ်ကၠုၚ် ဗီုပြၚ်လိက်အုပ်ဂှ် နူကဵုဇြဟတ်ပံၚ်ကောံကောန်ဂကူမန် ညးမဆာန်လိက်ပတ်တံပူဗိုၚ်ကၠုၚ်တုဲ ဂွံက္တဵုဒှ်ကၠုၚ်မာန်ရ၊ ဗွဲတၟေၚ် တၠဂုဏ်အ္စာအဇ္ဇ (တရဴအအာ) ဘိုၚ်ဗ္တိုက်ဖ္အောဝ် ကဵုကၠုၚ်အရီုဗၚ်ဇၞော်ကဵုဒြဟတ်ရ။ လိက်ကၞပ်မရနုက်ကဵု(၃)ဏံဂှ် ကေတ်အဆက်ကဵုဒၞါဲညးမဆေၚ်စပ်တံတုဲ စဵုကဵုအခိၚ်တ္ၚဲဏံကလိဂွံမာန်ဏီရောၚ်။
  လိက်ကၞပ်ညးချူလဝ်သီု(၃)အုပ်ဏံဂှ် လ္တူဝေပ်သိုက် ဂကောံမၚ်မွဲအာဲကၟာဲလိက်ပတ်မန် ( mlpo.org) တိုန်ပံက်ဗှ်ကေတ်မာန်ရောၚ်၊ အခိၚ်လၟုဟ်ဏံ တၞဟ်န ပတိုန်ဂုဏ်စရာဲ ဒြဟတ်ကၞေဟ်ညး ဒြဟတ်ဇဲလွဳညး ဒြဟတ်စိုတ်ဓါတ်ညးတုဲ ကၠောန်ပ္တိတ်ဏာ နကဵုသပ်ဝဴလ် ( apk)  လ္တူ play store သွက်ပံက်ဗှ်ကေတ် ပ္ဍဲကဵုစက်အေန်ဒြေက် ဗွဲမလောဲသွာမာန်ကီုရ။
လ္ၚတ်ပရေၚ်ဘဝနာဲသက်လောန် နကဵုဘာသာအေန္ဂလိက်
    နာဲဖိုလ်ဂ

Posted in: