ဗဟုသုပရောဍုင်ဗၟာ

ပ္ဍဲကၟိန်ဍုင်ဗၟာ(မျာမ္မာ)ဝွံ နကဵုဂကောံလၟိဟ်မၞိဟ် မၞုံလၟိဟ် အပ္ဍဲသၞာံ ၂၀၂၁ဏံ(54,721,087) ပြကောဋိကိုတ်ရ၊ နကဵုဂကောံဂကူတၞဟ်ခြာ အပ္ဍဲသၞောဝ် နွံ(၁၃၅)ဂကူတုဲ ဗွဲဘုံတိဍာ်တၞဟ်ခြာဒၟံင်တန်တဴအိုတ်ရ၊၊ အပ္ဍဲဂှ် နကဵုအပိုင်အခြာတွဵုဓနက်တိဍာ်ဂှ် ရး(၇) ကေုာံ တွဵုရး(၇) အတိုင်သၞောဝ်ကၟိန်ဍုင်ပစ္စုပ္ပန် နွံတၞဟ်ခြာကီုရ။ အပ္ဍဲဏံဂှ် ဂကူနွံကဵုယၟုတွဵုရးလေဝ်နွံ ဂကူဟွံမွဲကဵုယၟုတွဵုရးလေဝ် နွံတန်တဴကၠုၚ် မွဲဂကောံမွဲကရောံအိုတ်ရ၊

 

ကၟိန်ဍုင်ဏံဝွံ နကဵုယၟုဍုင်မ္ဂး (မြန်မာ) တုဲ ဂကူအရေဝ်လိက်ပတ်ယေန်သၞာင်ဘာသာဟွံတုပ်တံနွံတဴဗွဲမဂၠိုင်ရ၊နကဵုယၟုဂကူ နူကဵုတမ်မူလဂှ် 

မြမ္မာ(Mramma) > မြန်မာ (Mranmar) > ဗမာ(Bamar) >  မြန်မာ(Myanmar)

 

ဗွဲအခေတ်ဆက်က် ဗီုပြင်ကော်ကီုအဓိပ္ပါယ်ကီု ပြံင်သၠာဲကၠုၚ်ရ၊၊ နူစဂကူဗၟာတံစဖျေံဇိုင်သ္ကုတ်ဒေသအညာတေံဂှ် နကဵုယၟုဂကူညးတံ မြမ္မာ(Mramma)တုဲ နူကဵုလက်ထက်အေန္ဂလိက်အုပ်ဓုပ်မံင်ဍုင်ဗၟာဏံဂှ် နကဵုယၟုဂကူဂှ် အေန္ဂလိက်တံစကော်ကၠုင်ဂကူ ဗမာ(Bamar)ရ၊ အေန္ဂလိက်တံစဴတုဲ ကၟိန်ဍုင်ဗၟာဏံကလိဂွံဗၠးၜးတုဲ  မြန်မာ(Myanmar)ဂှ် စမံက်ဂတဝ်ကၠုင်ရ၊ 

 

ဂကူမွဲမွဲဝွံ အခိင်ကာလဒးမံင်သၟဝ်အုပ်ဓုပ်ဂကူညးတၞဟ်မ္ဂး အန္တရာဲဂကူကၠက်ဂှ် ဂကူလဵုဟွံဟီုဒးဒုင်ကၠုင်ဖအိုတ်ရ၊ ဂကူဗၟာတံဝွံ ဒးမံင်ကၠုင် သၟဝ်အုပ်ဓုပ်ဂကူညးတၞဟ်(၁၀၀)သၞာံပြင်င်ကီုတုဲ ဂကူညးတံၜိုန်ရဟွံကၠက်အာလ္တူဍုင်လိုက်ဏံ ဗီုဂကူပျူတံကီုလေဝ် အရေဝ်ဝေါဟာညးတံကၠေံနှင်အောန်စှ်ေကၠုင် နူကဵုရမျာင်(ရ)မြာန်မာ ဒှ်အာရမျာင်(ယ)မျာန်မာဂှ် ဂွံဆဵုကေတ်ကီုရ၊ ဟိုတ်ဂှ်ရ အပ္ဍဲအရေဝ်အခြာမွဲမွဲ ရမျာင်ညံင်သ္ဂောံကၠးဖ္ဍးဂှ် ဒးစွံသတိဇၞော်ဇၞော်ရ။ အရေဝ်အခြာပိုဲမဟီုဂးမံင်အရိုဟ်ဟ်တ္ၚဲ ဆၜိုတ်ဒှ်ကဵုဒှ်တံဂှ် လက်ထက်ပိုဲဏံ အရေဝ်ရမျာင်လီုတံ ၜိုန်ရပိုဲတံတီကေတ်ဟွံမာန်ကီုလေဝ် လက်ထက်ကောန်ဗွဲကြဴစဴဗွဲဂတတေံမ္ဂး အရေဝ်ဝေါဟာလီုလီု ရမျာင်ဟွံဒးတံဒှ်ကၠုင်ဒတန်မွဲမာန်ရ။ 

မျာန်မာ(မြန်မာ)ဝွံ ဗွဲအဓိပ္ပါယ် အပ္ဍဲကဵုကၟိန်ဍုင်ဏံ ယၟုမ္ဂး(မြန်မာ)ဂှ် ကောန်ဍုင်အရင်(၁၃၅)ဂကူပါသီုဖအိုတ်ရောင် ညးမကံက်ကေတ်အဓိပ္ပါယ် ဗီုဏံလေဝ်နွံရ။ ရံင်ကဵုယၟုတမ် နူစပတန်ယၟုဂကူဗၟာတံမ္ဂး (မြန်မာ)ဂှ် ဂကူဗၟာမွဲဂကူဓဝ်ဟေင် အဓိပ္ပါယ်ပြာကတ်ရ၊၊ ရံင်အာကဵုပွံက်လဝ်အဓိပ္ပါယ် ဗွဲဘာသာအေန္ဂလိက်မ္ဂး 

 

မြန် = fast.  မာ = strong. ရောင်ဂွံအဓိပ္ပါယ်ရ။

 

ဗီုလဵုဒှ်ဒှ် ဂကူမွဲကဵုမွဲ မံင်မွဲစွံဂွံ ပြေပြံင်မံင်ညးသ္ကအ်ရတှ်ေ (unity in diversity) မုသွက်ဂွံဒှ် ပြသၞာဟွံမွဲရ၊၊ အဓိကဂှ် ဂကူဇကု မုမုရောဟီုဂှ် ဒးတီလဝ်တုဲမှ ဂွံတတ်ထပါ်သောင်ကလးကဵုဂကူညးတၞဟ်မာန်ရ။ 

Etymology

Myanmar is a direct translation in English of the country's official Burmese name myanma, which means fast and strong people. This name dates back to the 12th century.

လိက်ဏံဝွံချူလဝ် ဝင်ဂကူဗၟာဟွံသေင် အယာံမါတ် ပံက်ထ္ၜးလဝ်အဓိပ္ပါယ်ဗၟာဓဝ်ရ၊၊
 

ဖိုလ်ဂ

၁၁-၀၄-၂၀၂၁

Posted in: